Yeni bir araşdırmaya görə, yaxşı sosial-iqtisadi statusu olan insanlar bioloji yaşlanma əlamətlərini daha az göstərirlər.

Adalet.az xəbər verir ki, Böyük Britaniya alimləri müxtəlif xəstələr qruplarını və yaşlanma ilə əlaqəli olduğu bilinən osteoporoz, katarakt və ya prostat vəzinin böyüməsi kimi 83 xəstəliyə, həmçinin qan plazmasında dolaşan zülalları ölçən qan testlərinə baxıblar. Daha sonra xəstələrin təhsil səviyyəsi, yaşadıqları ərazidə həyat keyfiyyəti və ya ailə gəlirləri kimi sosial və iqtisadi vəziyyətləri ilə bağlı məlumatlarını təhlil ediblər. 

Məlumata görə, daha az imkanlı olanların 2-ci tip diabet, qaraciyər, ürək, ağciyər xərçəngi və insult kimi xəstəliyə tutulma riski varlı həmkarlarına nisbətən 20 faiz yüksək olub. 

London Universitet Kollecinin (UCL) professoru və tədqiqatın aparıcı müəllifi Mika Kivimakinin sözlərinə görə, "Biz onilliklərdir ki, sosial müavinətlərin daha yaxşı sağlamlıqla əlaqəli olduğunu bilirik, lakin əldə etdiyimiz nəticələr göstərir ki, qocalma prosesinin özünü də ləngidə bilər. Tədqiqatımız göstərir ki, sağlam yaşlanma bütövlükdə cəmiyyət üçün əldə edilə bilən bir məqsəddir, çünki bu, əlverişli sosial-iqtisadi şəraitə malik insanlar üçün artıq reallıqdır".