Gürcüstan tərəfi bəzi Rusiya vətəndaşlarının ölkəyə girişinə qadağa qoymağa başlayıb.

Adalet.az xəbər verir ki, bu barədə sosial şəbəkələrin Rusiya seqmentində məlumat yayılıb.

Bildirilib ki, pasportlarındakı "doğum yeri” xanasında Krım və ya Luqansk qeyd olunan Rusiya vətəndaşları Gürcüstana buraxılmayıb.

Mənbə bildirib ki, təkcə bir reys üzrə altı sərnişinin Gürcüstana girişinə qadağa qoyulub.

Lakin Gürcüstan Xarici İşlər Nazirliyinin saytında Krım və ya Luqanskda doğulmuş vətəndaşların ölkəyə girişinə qadağa qoyulması ilə bağlı rəsmi məlumat yoxdur.