Nazirlər Kabineti kiçik elektrik nəqliyyat vasitələrinə dair qərar verib

“Kiçik elektrik nəqliyyat vasitəsinin icarəyə (istifadəyə) verilməsinə, habelə onların sürətinə və lokasiyasına nəzarətin həyata keçirilməsi məqsədilə kiçik elektrik nəqliyyat vasitələrinin operatorları tərəfindən ötürülən səfər və operator barədə məlumatların siyahısı” təsdiqlənib.
Adalet.az-ın xəbərinə görə, Nazirlər Kabineti bu barədə qərar verib.
Qərara əsasən, kiçik elektrik nəqliyyat vasitələrinin operatorları tərəfindən Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin mərkəzi informasiya sisteminə və Rəqəmsal İnkişaf və Nəqliyyat Nazirliyinin “AYNA” informasiya sisteminə aşağıdakı məlumatlar ötürülür:
kiçik elektrik nəqliyyat vasitəsinin operatoru olan hüquqi şəxsin adı və VÖEN-i və ya fərdi sahibkarın soyadı, adı və atasının adı, VÖEN-i;
kiçik elektrik nəqliyyat vasitəsinin istehsalçısı tərəfindən müəyyən olunmuş eyniləşdirmə məlumatı, habelə operatoru tərəfindən müəyyən olunmuş eyniləşdirmə nömrəsi;
kiçik elektrik nəqliyyat vasitəsilə səfərin eyniləşdirmə nömrəsi, səfərin başlanma və başa çatma yeri, tarixi və vaxtı, səfər üzrə hərəkət marşrutu və sürəti barədə məlumatlar.
Digər Xəbərlər

Avtomobillərin texniki baxışdan keçməsi ilə bağlı prosedur sadələşdirildi

Bu yollarda sıxlıq var - SİYAHI

Bu yollarda tıxac var - Sürücülərin nəzərinə!

Bu yollarda sıxlıq var - SİYAHI

SÜRÜCÜLƏRİN NƏZƏRİNƏ: Bu yollarda tıxac var - SİYAHI

Yeni həftəyə tıxacla başlayan yollar - SİYAHI

Elektromobil sahiblərini gözləyən fantastik batareya xərcləri - VİDEO
