Fevralın 28-də İctimai Televiziyada «Sabaha saxlamayaq» verilişində həmişə olduğu kimi, yenə də çox ciddi və aktual bir mövzu qoyulmuşdu. Söhbət qadınlara qarşı zorakılıqdan gedirdi. Bu zorakılığın qarşısını necə almağın yolları axtarılırdı. Ekspertlər də maraqlı və ağıllı təkliflərlə çıxış edirdi.

Amma nə olsun? Həmin vaxt digər özəl kanallarda gedən proqramlarda isə ailəni dağıtmaq üçün ailə dəyərlərini ayaq altına atacaq üç-dörd saatlıq verilişlər gedirdi: qayınana-gəlin davası, ər-arvad davası, söyüşlər, təhqirlər və sair və ilaxır.

Belə üç-dörd saatlıq verilişlərin qarşısında İctimai Televiziyanın iki saatlıq əxlaqımızı, mənəviyyatımızı, ailə dəyərlərimizi qorumağa çalışan verilişi nə edə bilər?

Sadəcə olaraq, İctimai Televiziyanın əməkdaşlarının zəhmətinə heyfim gəlir.