08 Dekabr 2023 11:24
1004
İDMAN

İdman şərhçisi: “kiçik dünya”larında oynayıb dağılışıb getsələr lap əntiqə olar

“Bu TV-də maksimum üç-dörd dəfə görünüb, özünü hansısa idman növünün ası görən “media körpələri” olmasaydı necə gözəl olardı”.

Adalet.az xəbər verir ki, bu sözləri “CBC sport”un idman şərhçisi Ramiz Mirzəzadə sosial şəbəkə hesabında yazıb.

“Onların hansısa digər veriliş haqqında fikir yürütmək tipli statuslarını oxumasaq, özləri tipli ətrafları ilə yaratdıqları “kiçik dünya”larında oynayıb dağılışıb getsələr lap əntiqə olar. Amma yox, facebook var, özlərini göstərmək arzusu dağıdır, tribuna lazımdır təcili bunlara. Bu tiplərin özlərini çox önəmli şəxslər kimi hiss etmək, bir zadı hamıdan daha çox bilmək fantaziyası, “bu idman növünün kralı mənəm” mazaxistikası hələ bizim gözümüzü çox mazol edəcək”.

 

Eminquey