Vaşinqtonun Tehrana qarşı iqtisadi təzyiq siyasəti İran hərbçilərinin Hörmüz boğazının bütün ərazisini tam blokadaya almasına səbəb ola bilər.

Adalet.az xəbər verir ki, bu barədə İranın Ali Milli Təhlükəsizlik Şurasının katibi Möhsün Rzayi bildirib.

"Son günlər Vaşinqtona İranın yeni raketləri ilə bağlı açıq xəbərdarlıq edilib. İqtisadi müharibəyə Fars körfəzi vasitəsilə blokada perimetrinə qədər uzanan dənizdən təcrid zonası ilə cavab veriləcək. ABŞ gəmiləri və bazaları ilə bağlı əməliyyat strategiyası köklü şəkildə yenidən nəzərdən keçirilib", - deyə o əlavə edib.

Bazar ertəsi İran Xarici İşlər Nazirliyi bildirib ki, Tehran ABŞ tərəfindən tətbiq olunan dəniz blokadası və sanksiyalarla əlaqədar öz maraqlarını qorumaq üçün tədbirlər görmək hüququna malikdir.

Avqust ayında Vaşinqton "İqtisadi Miskin" ("Economic Outcast") əməliyyatına başlayıb. Əməliyyatın məqsədi Tehranın maliyyə təcridini gücləndirmək və onu münaqişədə güzəştə getməyə məcbur etməkdir.

Sentyabrın əvvəlində ABŞ-ın maliyyə naziri Skott Bessent Avropa İttifaqının İrana qarşı iqtisadi təzyiq kampaniyasına qoşulduğunu açıqlayıb.