İran Məclisinin (parlament) üzvü Məhəmməd Qasim Osmani Fələstinin HƏMAS hərəkatının Siyasi Bürosunun rəhbəri İsmayıl Haniyənin Tehranda qətlə yetirilməsinə cavab olaraq İsrailin baş naziri Binyamin Netanyahunu məhv etməklə hədələyib.

Adalet.az xəbər verir ki, bu  barədə İran KİV-ləri məlumat yayıb. 

"Ümid edirəm ki, daha bir “Doğru vəd” əməliyyatı İsmayıl Haniyə üçün qan davası olaraq həyata keçiriləcək. Bu zaman Netanyahu məhv ola bilər", - Osmani deyib. 

Onun sözlərinə görə, İsrail “o qədər lovğalaşıb” ki, artıq “Tehranda qonağın qanını tökür” və İran Haniyənin intiqamını almaq üçün doğru anı seçəcək.