“ABŞ Prezidenti Donald Trampın İranın nüvə silahı hazırlamağa çalışdığı iddiası əsassızdır”.

Adalet.az xəbər verir ki, bunu İran parlamentinin Xarici Siyasət və Milli Təhlükəsizlik Komitəsinin üzvü, SEPAH generalı İsmayıl Kövsəri bildirib.

“Bir tərəfdən deyirlər ki, İranın nüvə obyektlərini məhv ediblər və onlardan heç nə qalmayıb, digər tərəfdən isə deyirlər ki, hərbi əməliyyatlara başlamaq lazımdır, çünki İran qısa zamanda nüvə silahı əldə edə bilər. Trampın bu sözləri boşdur, bununla diqqət cəlb etmək istəyir”, - general qeyd edib.

Kövsəri vurğulayıb ki, İran fevralın 26-da Cenevrədə danışıqlardan əvvəl yüksək hazırlıq səviyyəsini saxlamalı və ABŞ-nin fəaliyyətini daim izləməlidir:

“Çaşqın vəziyyətdədirlər, hansı qərarı verəcəklərini bilmirlər. Əgər ölkə daxilində birlik, həmrəylik və bütövlük olsa, düşmən heç nə edə bilməz”./Teleqraf