Livanın "Hizbullah" hərəkatının baş katibi Həsən Nəsrullah bildirib ki, İsrail bütün qırmızı xətləri keçərək çoxlu sayda livanlı mülki əhalinin həyatını təhlükəyə atıb, elektron cihazların partlaması terror aktı və müharibə elanına səbəb olan soyqırımdır.

Adalet.az xəbər verir ki, bu barədə o, Livan televiziya kanalları tərəfindən yayımlanan müraciət zamanı deyib.

“Düşmən bütün qırmızı xətləri keçərək Livanda çoxlu sayda mülki əhalinin həyatını təhlükəyə atıb”, – deyə Nəsrullah bildirib. 

"Hizbullah" lideri çərşənbə axşamı və çərşənbə günü baş verənlərin "müharibə cinayəti" olduğunu və İsrailin Beyrut və ölkənin digər bölgələrində mülki rabitə vasitələrini partlatmaqla Livanın müxtəlif bölgələrində kütləvi soyqırım törətməyi planlaşdırdığını vurğulayıb.