İstanbul Böyükşəhər Bələdiyyəsinə (İBB) qarşı aparılan korrupsiya və rüşvət istintaqı çərçivəsində əməliyyatlar davam edir. 19 martdan bəri ümumilikdə 7 əməliyyat keçirilib.

Adalet.az Türkiyə mətbuatına istinadən xəbər verir ki, bu gün səhər saatlarında jandarma qüvvələri bələdiyyənin reklam tenderləri ilə bağlı yeni əməliyyata başlayıb.

Jandarmanın bələdiyyəyə qarşı keçirdiyi ikinci əməliyyatda reklam ihalələrində korrupsiya halları olduğu iddia edilib. 14 nəfər barəsində həbs qərarı verilib, onlardan 13-ü saxlanılıb.  Bir nəfər isə axtarışa verilib.