"Hökumət sülh müqaviləsini imzalamağa hazırdır".

Adalet.az xəbər verir ki, bunu jurnalistlərlə keçirdiyi brifinqdə Ermənistan Respublikasının ədliyyə naziri Srbuhi Qalyan deyib.

"Sülhün alternativi yoxdur və bizim hərəkətlərimiz sülhün yekun bərqərar olmasına yönəlməlidir", - nazir qeyd edib. 

O, həmçinin qeyd edib ki, nazirlik Konstitusiyanın yeni mətni üzərində işləyir: "Həmin mətn gizli xarakter daşımayacaq və ola da bilməz. Nə vaxtsa ictimaiyyətə açıqlanacaq və hər bir məqam, hər norma cəmiyyətimizin nümayəndələri ilə müzakirə olunacaq.

Məncə, 8-10 aydan tez yeni Konstitusiya mətninin olması mümkün deyil".