İordaniyanın Aqaba limanında qaz sızması baş verib.

Adalet.az Türkiyəyə məxsus Teleqram kanallarına istinadən xəbər verir ki, bu barədə ölkənin Dövlət Sərhəd Təhlükəsizliyi Departamenti məlumat yayıb.

Bildirilir ki, sızma daşıma əməliyyatı zamanı, zəhərli qazla dolu çənin aşması zamanı baş verib. Sızma nəticəsində 10 nəfər ölüb,250nəfər zəhərlənib.

Hazırda mütəxəssislər hadisənin nəticələrinin aradan qaldırılması ilə məşğuldur. Məlumatlara görə, xəsarət alanların içərisində ağır vəziyyətdə olanlar çoxdur və mümkündür ki, ölənlərin sayı artsın

Qeyd edək ki, buna bənzər bir hadisə iki iəvvəl də baş vermişdi. 2020-ci ilin avqustun 4-də Livanda dəhşətli partlayış baş vermişdi. 2500 ton ammonium-nitrat maddəsinin olduğu anbarda baş verən partlayış nəticəsində limana yaxın ərazi xarabalığa çevrilmişdi.Həmin faciədə 214 nəfər həyatını itirmiş, minlərlə insan yaralanmışdı. Livan Prezidenti Mişel Aunun sərəncamı ilə avqustun 4-ü matəm günü elan etmişdi.

Əntiqə Rəşid