Dövlət İmtahan Mərkəzi Dövlət İmtahan Mərkəzi ali təhsil müəssisələrinin magistraturalarına 17 may 2026-cı il tarixində keçirilmiş qəbul imtahanının qapalı və kodlaşdırıla bilən açıq tipli tapşırıqlar (95 tapşırıq) üzrə nəticələrini elan edib.

Adalet.az-ın xəbərinə görə, imtahan nəticələri ilə rəsmi məlumat vasitəsilə tanış olmaq mümkündür. Bakalavrlar nəticələri həmçinin mobil operatorlar vasitəsilə də öyrənə bilirlər. Bunun üçün iştirakçılar “iş nömrəsi”ni qısa nömrə olan 7727-yə göndərməlidirlər. Xidmət Azercell, Bakcell və Nar istifadəçiləri üçün əlçatandır.

Qeyd edilib ki, yekun imtahan balı xarici dil fənləri üzrə esse tapşırıqları yoxlanıldıqdan sonra – təxminən 6 həftə ərzində açıqlanacaq. İştirakçılar qapalı və kodlaşdırıla bilən tapşırıqlar üzrə maksimum 95 bal, esse üzrə isə 5 bal toplaya bilirlər.

Apellyasiya müraciətlərinə isə yekun imtahan balı elan olunduqdan sonra baxılması mümkün olacaq.