Xəbər verdiyimiz kimi, Azərbaycan muğam sənətinin korifeylərindən biri, Xalq artisti Arif Babayev dünyasını dəyişib.

Adalet.az xəbər verir ki, bu barədə Azərbaycan Respublikası Mədəniyyət Nazirliyi rəsmi başsağlığı yayıb.

Nazirliyin yaydığı məlumatda qeyd olunur ki, Arif Babayev uzun illər ərzində milli musiqi sənətimizin inkişafı, muğam məktəbinin qorunması və yeni nəsil sənətkarların yetişdirilməsi istiqamətində böyük xidmətlər göstərib. Onun zəngin yaradıcılığı və pedaqoji fəaliyyəti Azərbaycan mədəni irsinin parlaq səhifələrindən biri olaraq qalacaq.

"Azərbaycan Respublikası Mədəniyyət Nazirliyi mərhum sənətkarın ailəsinə, yaxınlarına və bütün mədəniyyət ictimaiyyətinə dərin hüznlə başsağlığı verir", – məlumatda deyilir.

Allah rəhmət eləsin!