adalet.az header logo
  • Bakı 26°C
  • USD 1.7
24 May 2022 14:41
276
MƏMLƏKƏT

Mənşəyi bilinməyən ətlər

Tez-tez respublika ərazisində hüquq-mühafizə orqanları mənşəyi bilinməyən ətlər aşkar edir. Dəfələrlə bu cür əməliyyatlar keçirilib və əməliyyatlar zamanı heyvan kəsimi sexlərində at və eşşək əti aşkarlanıb. Təbii ki, bu cür ətlər elə də asanlıqla əldə edilmir. Həmin ətlər müxtəlif adamlar vasitəsilə Bakı şəhərinə göndərilir, burda yeməkxanalara, dönərxanalara və digər yerlərə paylanır.

Havalar get-gedə istiləşir. Adətən belə havalarda nəinki mənşəyi bilinməyən ət, hətta mənşəyi bilinən ətlər tez sıradan çıxır. Ona görə də bu cür işbazların fəallaşmasına imkan verilməməli, kəsim sexlərinə və dükan-bazarlara Qida Təhlükəsizlik Agentləri ciddi nəzarət etməlidir. Çünki bu cür işbazlar hər an fürsət gözləyir, bir balaca baş qarışıq olan kimi, o dəqiqə at və eşşək atını bazar-dükanlara paylayırlar.

Emil FAİQOĞLU