2013-2021-ci illər arasında Almaniyanın kansleri vəzifəsini icra edən, açıqlamaları və imici ilə beynəlxalq ictimaiyyətə yaxşı tanınan Angela Merkelin bayram fotoları gündəm olub.

Almaniyanın ən çox oxunan qəzetlərindən biri olan “Bild” işindən ayrıldıqdan sonra “adi vətəndaş” kimi yaşayan və tətildə ekonom sinifdə planlı təyyarə ilə səyahət edən 68 yaşlı Merkelin fotolarını paylaşıb.

Təyyarə eniş etdikdən sonra Merkel hamı kimi öz növbəsini gözləyib.

“Bild” yazıb ki, Merkel “Eurowings” adlı aviaşirkətə üstünlük verib və əri professor Yoahim Sauerlə istirahət edib. Cütlüyün İspaniyanın Kanar adalarına getdiyi və "Innside by Melia" adlı 4 ulduzlu oteldə qaldıqları bildirilib. Merkelin qaldığı oteldə bir gecəlik rüsumun 162 avro olduğu da bildirilib.

Merkelin təyyarəyə minən ilk sərnişin olduğu və onu cangüdənlərin müşayiət etdiyi bildirilib. Merkelin pəncərənin yanında, ərinin isə koridor kənarında oturduğu qeydə alınıb. Merkelin mühafizəçilərindən birinin bir neçə cərgə arxada oturduğu açıqlanıb. Təyyarədə olan şahidlər bildiriblər ki, keçmiş baş nazir planşetlə kitab oxuyur, tapmacalar həll edir və sendviç yeyirdi.

Təyyarədən endikdən sonra Merkelin mühafizəçilərin müşayiəti ilə hava limanını tərk etdiyi bildirilib. Təqaüdçü bir baş nazir olaraq müdafiəsi və işçiləri üçün büdcəsi olan Merkel şəxsi və səyahət  xərclərini cibindən xərcləməlidir.

Eminquey