İnsanların yaddaşında daha çox “Evro Kamandar” kimi  qalan  aktyor Məhərrəm Qurbanov  24 iyul 1959-cu ildə Gəncədə anadan olub.  Aktyorluq sənətindən əvvəl  1982-ci ildə Bakı Mədəni-Maarif texnikumunu fərqlənmə diplomu ilə bitirmişdir. Yolunu incəsənətdən salan Məhərrəm Qurbanov 1983-cü ildə  Aəzrbaycan Dövlət İncsənət Universitetinə qəbul olur.

Ali təhsilini başa vurduqdan sonra  öz ana yurduna- Gəncəyə qayıdır. Və Gəncə Dövlət Dram Teatrında aktyor kimi fəaliyyətə başlayır. İşlədiyi müddət ərzində maraqlı obrazları ilə diqqət çəkən aktyor, 1996-ci ildə  Azərbaycan Dövlət Musiqili Komediya Teatrına  gəlir. Və aktyor kimi fəaliyyətini orda davam etdirir. Musiqili Komediya Teatrında saysız- hesabsız rolları ilə öz tamaşaçılarını güldürməyi bacarır. 

Bir aktyor kimi teatrda çox  sayda rollar ifa etsə də , izləyiciləri onu daha çox son illərdə çəkildiyi seriallarla sevirdi.
"Ay Yay Yay" serialında polis rəisi obrazı, "Kolxoz 85" serialında Şiraslan obrazı, "Anam, bacım, rus gəlin " serialında Fazil obrazı, "İmtahan" serialında Eldar obrazı və "Niyə ?!" serialında Evro Kamandar obrazı ilə  izləyicilərin rəğbətini qazanmışdı. 
Müsahibələrinin birində deyirdi ki, ətrafda insanlar onu görəndə öz adı ilə deyil, “Evro Kamandar”  deyə çağırırdılar. Aktyor kimi sevdinirici hal olsa da, o, daha çox teatrdakı obrazları ilə yadda qalmağı arzulayırdı.  

Məhərrəm Qurbanov 19 avqust 2019-cu il tarixində ağır beyin kötüyü insultu keçirmiş, gecə ilə xəstəxanaya çatdırılmışdır. Mərkəzi Klinikanın reanimasiya şöbəsinə yerləşdirilmişdir. Məhərrəm Qurbanovun vəziyyəti daha da ağırlaşmış, 21 avqust 2019-cu il tarixində vəfat etmişdir.

Əntiqə