adalet.az header logo
  • Bakı 10°C
  • USD 1.7
06 Oktyabr 2022 10:32
843
MƏDƏNİYYƏT

Məşhur qardaşlar 56 yaşında: "Elektronikin macəraları" - 43 - FOTOLAR

"Elektronikin macəraları" uşaqlıq dövrümüzün ən maraqlı filimlərindən hesab olunurdu. Film o qədər peşəkarcasına çəkilmişdi ki, hər dəfə televiziyada göstəriləndə ilk dəfə baxdığımız kimi maraqla , nəfəs çəkmədən izləyirdik. Üstəlik də çox arzulayırdıq ki, Allah eləsin, həmin alim mənim eynim olan bir “Elektronik” də düzəltsin.


Adalet.az xəbər verir ki, 1979-cu ildə Odessa kinostudiyasının çəkdiyi "Elektronikin macəraları" filminə 1980-ci ildə ilk baxış olub.

Filmin süjetini xatırladaq: Bir Sovet alimi heyrətamiz bir robot yaratmağı bacarır. Mürəkkəb riyazi hesablamalar apara, məktəbdə inşa yaza və hətta mahnı oxuya bilən bir robot!. Sadəcə belə alınır ki, həmin robot adi bir məktəbli olan Sergey Sıroyejkin (Seryoja) bir nüsxəsi kimi yaradılır. Elektronik ilə Seryoja tanış olduqdan sonra Seryoja məktəb tapşırıqlarını yerinə yetirmək üçün narahat olmağa ehtiyac duymur, çünki bütün tapşırıqları yeni dostu Elektronik yerinə yetirir. Bu dostluqdan Elektronik də məmnundur. Çünki onun insanlar arasında artıq bir dostu var.


Ancaq Elektronik üçün problemlər başlayır. Bacarıqlı robotu bədxah insanlar oğurlamaq qərarına gəlir.Çünki bədxahların Elektroniki onlara kömək edə biləcəyi üçün oğurlayaraq öz mənfur planlarına alət etmək planları ortaya çıxır.
1979 –cu ildə çəkilən film sovetlər dönəmində istehsal olunan ən məşhur filmlərdən biri kimi tarixə düşdü. 3 hissəli musiqili film rejissor Konstantin Bromberqin ekran əsərinin  musiqisi də həmin illərin ən gözəl bəstəkarı Yevqeni Krılatova məxsus idi.


1966-cı ildə doğulan aktyorlar Vladimir və Yuri Torsuevlər artıq 56 yaşındadırlar. 43 ildən sonra qardaşların yeni fotoları baxanları şok edir.

Юрий Торсуев

Владимир Торсуев

 

P.S. Əminəm, fotolara baxdıqdan sonra "zaman nə amansızdır" deyə beyninizdən bir cümlə keçəcək.

 Əntiqə Rəşid