Türkiyədə yay mövsümündə tamaşaçı qarşısına çıxan seriallardan biri ilə bağlı final qərarı verilib.

Adalet.az Türkiyə mətbuatına istinadən xəbər verir ki, "Doğanın kanunu" layihəsi 13-cü bölümdə yayımlanaraq ekran macərasını başa vuracaq.

Serialın gözlənilən izlənmə göstəricilərinə nail ola bilmədiyi və bu səbəbdən layihənin davam etdirilməməsinə qərar verildiyi bildirilir.

Beləliklə, "Doğanın kanunu" Türkiyədə bu yay yayımlanan seriallar arasında final edən ilk layihə olacaq.