adalet.az header logo
  • Bakı 21°C
  • USD 1.7
21 Fevral 2024 13:41
1034
KRİMİNAL

MƏTBUAT ƏHMƏD ƏHMƏDOV ÜÇÜN YAXŞI İŞLƏYİR 

Saytlar və sosil şəbəkələr bütün gücü ilə bu qatilin istintaqına mane olur, onun dəli olduğunu sübut etməyə çalışır. Bu qatili ömürlük cəzadan xilas eləmək   üçün qohum-əqrəbaları mətbuata ciddi yardım edirlər. Axtarıb tapırlar ki, haçansa Psixiatriya xəstəxanasında yatıb, ona elə bir diaqnoz qoyublar ki, nə sülh vaxtı, nə də müharibə vaxtı orduda  qulluq edə bilməz.

Yəqin ki, kənardan hansısa bir qüvvə çalışır ki, qatili dəli çıxarsın və onu göndərsin  dəlixanaya, 1 il, ya 2 il dəlixanada yatmaqla yenidən azadlığa  çıxsın. Yenidən əlinə balta götürsün, istənilən adamı və ya deyilən adamı baltalasın. 

Mən inanmıram ki, istintaq orqanları  bu küyə gedə. Müstəntiq deyiləm, amma çox gözəl anlayıram ki, bu qatil dəli-filan deyil.

Azərbaycanda belə bir söz var, biri dəlilik edəndə deyirlər ki, əşi, fikir verməyin dəlidi. Onun dəlilik etdiyi adam da qayıdıb deyir: «Dəlidi, getsin öz başını vursun divara».

Onun şəklinə baxın, idmançı yaraşıqlı bir oğlandı və üz-gözündən də dəlilik tökülmür. 

Yəqin ki istintaq orqanları bizim bilmədiyimiz çox həqiqətləri üzə çıxaracaq. Gözləyək, istintaqa  mane  olmayaq və özümüzdən Amerika kəşf etməyək.