Milli Məclisin sədri PAİ Assambleyasında çıxış edib
Milli Məclisin sədri Sahibə Qafarova Tanzaniya Birləşmiş Respublikasına işgüzar səfəri çərçivəsində Aruşa şəhərində Parlamentlərarası İttifaqın (PAİ) 153-cü Assambleyasının iclasında çıxış edib.
Bu barədə Adalet.az-a Milli Məclisin Mətbuat və ictimaiyyətlə əlaqələr şöbəsindən xəbər verilib.
Sahibə Qafarova "İnklüzivlik, etimad və hamı üçün imkanlar vasitəsilə yaxşı idarəetmənin gücləndirilməsi və icmaların səlahiyyətlərinin artırılması" mövzusunda ümumi müzakirələrdə çıxışı zamanı effektiv idarəetmənin təşkilinin səmərəli təsisatlarla yanaşı, insanların bu təsisatlara etimad edib-etməməsi, qərar qəbul etmədə iştirak edə bilməsi və hər kəsin cəmiyyətə töhfə vermək üçün ədalətli imkana malik olub-olmaması ilə bağlı olduğunu söyləyib.
Parlamentlərin bu prosesdə mühüm rolunu qeyd edən spiker Sahibə Qafarova deyib ki, parlamentlər xalqı təmsil edən təsisatlar olaraq ictimai gözləntiləri dövlətin qərar qəbulu ilə əlaqələndirir, qanunvericilik, nəzarət və cəmiyyətlə dialoq vasitəsilə onlar idarəçiliyin daha şəffaf, hesabatlı və inklüziv olmasına kömək edə bilir.
Azərbaycan dövlət idarəçiliyinin təkmilləşdirilməsi, rəqəmsal həllərin genişləndirilməsi, dövlət xidmətlərinin əlçatanlığının artırılması və vətəndaş iştirakı üçün daha geniş imkanların yaradılması istiqamətində görülən ardıcıl addımlar haqqında məlumat verən Milli Məclisin sədri diqqətə çatdırıb ki, Azərbaycan parlamenti bu səylərə töhfə verir. Onun sözlərinə görə, bu sahədə müasir texnologiyalar vətəndaşlarla qarşılıqlı əlaqənin genişləndirilməsinə və parlament fəaliyyəti haqqında məlumatlara daha geniş çıxışın təmin edilməsinə kömək edir. Eyni zamanda, Azərbaycan vətəndaşlara və vətəndaş cəmiyyətinə qanunvericilik prosesində birbaşa iştirak etmək imkanı verən hüquqi və institusional mexanizmlər yaradıb. O, qanunvericilik təşəbbüsü hüququnun bunun mühüm bir örnəyi olduğunu söyləyib.
Milli Məclisin sədri çıxışına yekun vuraraq bildirib ki, PAİ təcrübə mübadiləsi aparmaq, qarşılıqlı öyrənmək və daha açıq, inklüziv və etimad qazanmış təsisatların qurulmasında parlamentlərin rolunu gücləndirmək üçün mühüm platforma təqdim edir.
Digər Xəbərlər
06 Noyabr 2026 18:14
"Yaxınları bilirlər ki, onların qanı yerdə qalmayıb" - Prezident
06 Noyabr 2026 18:05
"Xalqımız və gələcək nəsillər Zəfərimizlə daim fəxr edəcəklər" - Prezident
06 Noyabr 2026 17:20
Ceyhun Bayramov Li Junhua ilə görüşüb
06 Noyabr 2026 15:39
Sərhədlər bağlıdır, İran heç nə edə bilməz! -Səxavət Məmməd yazır
06 Noyabr 2026 15:08
Elçin Əmirbəyov və Kestutis Budris ikitərəfli əməkdaşlığı müzakirə ediblər
06 Noyabr 2026 12:25
Qarsda 8 Noyabr – Zəfər Günü qeyd olunub
06 Noyabr 2026 12:15
Mircəlil Qasımlı: Nəzakəti və hörməti haqq etməyən insanlara...
06 Noyabr 2026 11:29


Bakı -°C

