Digər narahatlıq doğuran məqam isə sosial şəbəkə hesabları üzərindən kriminalın birbaşa və ya dolayısı yolla təbliğ edilməsi kimi neqativ halların olmasıdır.

Adalet.az xəbər verir ki, bunu daxili işlər nazirinin müavini, polis general-leytenantı Oqtay Kərimov "Yetkinlik yaşına çatmayanlar tərəfindən və onlara qarşı törədilmiş hüquq pozuntularının qarşısının alınması: imkanlar və perspektivlər" mövzusunda elmi-praktiki konfransda çıxış edərkən deyib.

Nazir müavini Audiovizual Şura, Reklam Agentliyi ilə digər qurumlara çağırış edib:

"Bu qurumların qarşılıqlı əlaqəsi çərçivəsində televiziya, sosial şəbəkə hesabları, eləcə də reklam lövhələrində insanların diqqətini cəlb edəcək video çarxlar, uşaq verlişləri, bilik və idman yarışları, qısametrajlı filmlərin daha da geniş səpkidə yayımlanması məqsədəmüvafiq olardı".