Misli Premyer Liqasının 26-cı turu çərçivəsində keçirilən maraqlı qarşılaşmada “Neftçi” səfərdə “Sumqayıt”ı məğlub edib.

Adalet.az xəbər verir ki, Sumqayıt şəhər stadionunda baş tutan matç qonaq komandanın 3:1 hesablı üstünlüyü ilə yekunlaşıb.

“Ağ-qaralar”ın heyətində qolları 36-cı dəqiqədə penaltidən Freddi Varqas, 65-ci dəqiqədə İfeanyi Metyu və oyunun sonlarında – 89-cu dəqiqədə Vensan Abubakar vurublar. Meydan sahiblərinin yeganə qoluna isə 53-cü dəqiqədə Nikola Ninkoviç imza atıb.

Bu qələbədən sonra xallarını 40-a çatdıran “Neftçi” turnir cədvəlində 5-ci pillədə qərarlaşıb. “Sumqayıt” isə 32 xalla 7-ci sıradadır.

Xatırladaq ki, turun açılış oyununda “Qəbələ” “Kəpəz”i 2:0 hesabı ilə üstələmişdi. 26-cı tura aprelin 7-də keçiriləcək oyunlarla yekun vurulacaq.