İngiltərənin "Mançester Yunayted" komandasının futbolçusu Matteys de Lixt qeyri-adi seriyası ilə diqqət çəkir.

Adalet.az xəbər verir ki, niderlandlı müdafiəçi peşəkar karyerası ərzində heç vaxt bir baş məşqçinin rəhbərliyi altında ardıcıl 2 mövsüm keçirməyib.

26 yaşlı oyunçu indiyədək çıxış etdiyi bütün klublarda bu halla üzləşib. O, “Ayaks”da Peter Boş, Marsel Keyzer və Erik ten Xaq, “Yuventus”da Mauritsio Sarri, Andrea Pirlo və Massimiliano Alleqri, “Bavariya”da Yulian Naqelsman və Tomas Tuxellə işləyib.

Futbolçu “Mançester Yunayted”də isə artıq Erik ten Haq və Ruben Amorimin başçılığı altında çıxış edib. Portuqaliyalı mütəxəssisin istefaya göndərilməsi onun qeyri-adi seriyasının uzanmasına səbəb olub.