Azərbaycan Respublikasının İnsan hüquqları üzrə müvəkkili (ombudsman) Səbinə Əliyeva 2025-ci ildə ölkədə insan hüquqlarının vəziyyətinə dair illik məruzəni Milli Məclisə təqdim edəcək.

Adalet.az xəbər verir ki, sənəd martın 3-də, parlamentin yaz sessiyasının növbəti plenar iclasında müzakirəyə çıxarılacaq.

Məruzədə 2025-ci il üzrə insan hüquqlarının müdafiəsi istiqamətində həyata keçirilmiş tədbirlər, dövlət qurumlarının fəaliyyətinə dair monitorinqlər, müraciətlərin statistik təhlili, o cümlədən həssas kateqoriyalara aid vətəndaşlarla bağlı aparılan işlər öz əksini tapıb. Sənəd həmçinin hüquqi maarifləndirmə tədbirləri, müharibə iştirakçıları ilə bağlı müraciətlər, uşaqların, qadınların və əlilliyi olan şəxslərin hüquqlarının müdafiəsi üzrə təşəbbüsləri də əhatə edir.

Ombudsmanın illik məruzəsində ölkədə rəqəmsallaşma, sosial təminat, ədalət mühakiməsinə çıxış imkanları, ətraf mühit hüquqlarının qorunması kimi sahələrdə irəliləyişlərlə yanaşı, mövcud problemlər və onların həlli ilə bağlı tövsiyələr də təqdim olunub.