adalet.az header logo
  • Bakı 12°C
  • USD 1.7
27 Yanvar 2022 14:16
427
GÜNDƏM

ON İKİ İMAMA AĞLAYANDA… 

Bu məşhur atalar sözüdü də, on iki imama ağlayanda bir dəfə də Yezidə ağlayın.

İmişlinin sabiq icra başçısı Vilyam Hacıyevin məhkəməsi gedir. Məhkəmə ilə işimiz yoxdur, nə günahı varsa hakim bilər. Cəzası da nədir, onu da hakim bilər. Amma başqa bir məsələyə toxunmaq istəyirik. Vilyam Hacıyev Göygöldə, Samuxda icra başçısı olub və sonda İmişlidə. Bu adam harda işləyibsə qurub, yaradıb, tikib. İmişlidə daha fəal olub. İşlədiyi müəddətdə şəhərdə o qədər tikinti-abadlıq işləri aparıb ki, heç 70 il Sovet hökuməti bu rayonda belə quruculuq aparmamışdı. Belə demək mümkünsə, şəhəri söküb yenidən tikib. Elə təkcə Heydər Əliyev Parkı nəyə desən dəyər.

İcra hakimiyyəti ikimərtəbəli tipavoy bir binada yerləşirdi. Ən müasir üslubda yeni binanı inşa etdirirdi, tikinti başa çataçatda tutuldu. Şəhərdəki bütün təşkilatların inzibati binaları da yenidən tikildi, küçələr asfaltlaşdırıldı, işıqlar sistemi quruldu. Yəni belə misal çox çəkmək olar. Bir sözlə, İmişlini şəhərə çevirdi.

Və ən başlıcası,onun başçılıq elədiyi rayon Azərbaycanda ilk dəfə olaraq dövlət büdcəsindən bir manat almadan özü-özünü maliyyələşdirdi. Oxudum ki, rayona baş həkim təyin edəndə həmin şəxsdən 70 min manat rüşvət alıbmış. Baş həkimi rayon icra başçısı təyin eləmir, baş həkimi Səhiyyə Nazirliyi təyin edir (indi deyəsən TƏBİB). Və təyin edəndə də icra hakimiyyətinin heç xəbəri olmur. Başçı bir də eşidir ki, filankəsi baş həkimlikdən çıxarıblar, yerinə bəhmənkəsi qoyublar. Bunu da elə-belə yazdım.

Nə isə. On iki imama ağlayanda bir dəfə də Yezidə ağlayarlar, Vilyam Hacıyev də Yezid deyil, bu millətin qurub-yaratmaq eşqi ilə yaşayan bir oğludu.

Allah qapısını açsın.