Ordumuzun Ağdam və Şuşa rayonları istiqamətlərində yerləşən mövqeləri atəşə tutuldu

Mayın 30-u saat 11:55-dən saat 16:25-dək Ordumuzun Ağdam və Şuşa rayonları istiqamətlərində yerləşən mövqeləri Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən müxtəlif çaplı atıcı silahlardan istifadə edilməklə fasilələrlə atəşə tutulub.
Bu barədə Müdafiə Nazirliyi məlumat yayıb.
Bildirilib ki, Azərbaycan Ordusunun bölmələri tərəfindən qeyd olunan istiqamətlərdə adekvat cavab tədbirləri görülüb.
Bundan başqa, qeyri-qanuni erməni silahlı dəstələrinin üzvləri kənd təsərrüfatı işləri adı altında Ordumuzun Ağdam rayonunun Çuxurməhlə, Füzuli rayonunun Yuxarı Veysəlli, Laçın rayonunun Xırmanlar və Kəlbəcər rayonunun Mərcimək yaşayış məntəqələri istiqamətlərində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər.
Bölmələrimiz tərəfindən görülən təxirəsalınmaz tədbirlər nəticəsində aparılan mühəndis işləri dərhal dayandırılıb.
Digər Xəbərlər

Mher Zargaryanın "erməniliyi: Uşağını xilas edənləri şərlədi

Azərbaycanda şəhid hərbçilərin kredit borcu silindi

Söyüdlü kənd sakinlərinin tibbi müayinələrinin nəticələri AÇIQLANDI

“Azərbaycan Qarabağın erməni sakinlərinin hüquqlarını məhdudlaşdırmaq niyyətində deyil”

Azərbaycan XİN-dən Qarabağın erməni sakinlərinə ÇAĞIRIŞ

Prezident Zəngilan kəndinin təməlini qoydu

Yevlaxda Qarabağ ermənilərinin nümayəndələri ilə daha bir görüş olacaq
