Pakistan ötən gecə ordusunun Kabil və Nəngərhar əyalətindəki "Taliban" hədəflərinə zərbələr endirdiyini açıqlayıb.

Adalet.az xarici KİV-ə istindən xəbər verir ki, hücumlarda hərbi obyektlər, sursat anbarları və "terrorçu qrupları" dəstəkləmək üçün istifadə edilən infrastruktur hədəf alınıb. 

Əfqanıstan hakimiyyəti isə Pakistanı Kabildəki narkotik asılılığı müalicəsi mərkəzinə zərbə endirməkdə günahlandırıb. Hökumət rəsmiləri hücum nəticəsində 400-ə qədər insanın öldüyünü və 250-yə yaxın insanın yaralandığını iddia edirlər.

Xəstəxana rəsmilərinin sözlərinə görə, orada təxminən 2000 nəfər müalicə alırmış.