adalet.az header logo
  • Bakı 9°C
  • USD 1.7
15 Sentyabr 2022 22:46
417
İDMAN

"Qarabağ" ilk qələbəsini darmadağınla qazanıb - YENİLƏNİB

Azərbaycan çempionu “Qarabağ” növbəti avrokubok oyununu keçirib.

Adalet.az xəbər verir ki, Qurban Qurbanovun yetirmələri Avropa Liqasının qrup mərhələsinin II turunun matçına çıxıb.
Ağdam təmsilçisi Fransa “Nant”ını qəbul edib. Liqa1 təmsilçisi ilə qarşılaşma “Qarabağ”ın qrupdakı ilk ev sınağı olub.

Ötən həftə Almaniyada keçirilən “Frayburq”la matçda (1:2) olduğu kimi yenə oyunun əvvəlində rəqib daha üstün olub. Lakin fransalıların 10-15 dəqiqəlik təzyiqinin qarşısını inamla alan “Qarabağ” bu dəfə də təşəbbüsə yiyələnib.

Ağdamlıların ilk yarıda sərgilədiyi üstün futbol nəticə verməsə də, fasilədən az sonra hesab açılıb. Ovusu Kvabena “Nant”ın qapısına yol tapıb – 1:0. Qonaqlar buraxılan qoldan özünə gəlməmiş Abdullah Zubir ikinci topu fransalıların qapısından keçirib. Rəqibin matçın sonunadək təzyiq altında saxlayan “Qarabağ” Marko Yankoviçlə fərqi üç topa çatdırıb. 3:0 hesablı darmadağını rəsmiləşdirən yarımmüdafiəçi cari mövsüm qrupda ikinci qoluna imza atıb.

Qrupun digər qarşılaşması Yunanıstanda təşkil olunub. Yerli “Olimpiakos” Almaniya təmsilçisi “Frayburq”u qəbul edib. Bundesliqa klubu ardıcıl ikinci qələbəsini qazanıb – 3:0.

Qeyd edək ki, III turun görüşləri oktyabrın 6-da baş tutacaq. “Qarabağ” Yunanıstan çempionu “Olimpiakos”la qarşılaşacaq. Qarılaşma Pireydə keçiriləcək.

 

***22:15

Bakıda "Qarabağ" və Fransanın "Nant" komandaları arasında UEFA Avropa Liqasının qrup mərhələsinin II tur oyununda növbəti qol vurulub. 

Adalet.az xəbər verir ki, "köhlən atlar" hesab arasındakı fərqi üç topa çatdırıb - 3:0. 

Komandanın heyətində 72-ci dəqiqədə Marko Yankoviç fərqlənib. 

 

***22:12

Bakıda "Qarabağ" və Fransanın "Nant" komandaları arasında UEFA Avropa Liqasının qrup mərhələsinin II tur oyununda növbəti qol vurulub. 

Adalet.az xəbər verir ki, "köhlən atlar" hesab arasındakı fərqi iki topa çatdırıb - 2:0. 

Komandanın heyətində 65-ci dəqiqədə Abdullah Zubir fərqlənib. 

xxx

22:04

Bakıda "Qarabağ" və Fransanın "Nant" komandaları arasında UEFA Avropa Liqasının qrup mərhələsinin II tur oyunu keçirilir.

Adalet.az xəbər verir ki, ilk hissə qolsuz başa çatıb.

Oyunun ikinci hissəsində "Köhlən atlar"ın heyətində Kvabena Ovusu 60-cı dəqiqədə fərqlənib.