Hər bir meyvənin və giləmeyvənin mövsümü var. Amma buna baxmayaraq, mövsümdən çox-çox qabaq bütün meyvələrin və giləmeyvələrin marketlərdə, bazarlarda satışı təşkil olunur. Ən çox da zəhərlənmələr hər hansı meyvəni və giləmeyvəni mövsümündə yeməyəndə baş verir. Xüsusən də qarpız və yemişdən zəhərlənmələr daha tez-tez olur.

Artıq may ayından ölkəmizdə və eləcə də Bakı şəhərində qarpız və yemişin satışı təşkil edilib. Əksər insanlar da mövsümə fikir verməyərək görürlər ki, qarpız satırlar, onu alır və aparıb yeyir. Çünki bu vaxtı satılan qarpızlar istixanalarda kimyəvi yolla yetişdirilir və onun da tərkibində normadan artıq kübrə və digər kimyəvi maddələr olanda zəhərlənmələr qaçılmazdır.

Bu yaxınlarda bir tanışım qarpız alıb yeyib və zəhərlənib. Ona görə də Qida Təhlükəsizliyi Agentliyi Bakıda və eləcə də digər yerlərdə satılan qarpız və yemişin normalara uyğun olub-olmamasını araşdırmalı, əgər həmin bostan məhsullarında normadan artıq kübrə varsa, bu məhsullar satışdan çıxarılmalıdır.

Emil FAİQOĞLU