"Biz millətimizlə bağımızı gücləndirməyə çalışarkən, bəziləri araya nifaq salmağa çalışdı. Onların bəziləri ideoloji vəsvəsələrdən qaynaqlanır. Bunu özləri də başa düşdülər, amma səhv etdiklərini demirlər. Bu, bizim ölkəni istismar edənlərin soyğunçuluq çarxlarını qırmağımızdan qaynaqlanır". 

Adalet.az xəbər verir ki, bunu Türkiyə Prezidenti Rəcəb Tayyib Ərdoğan AK Partiya TBMM Qrup İclasında deyib. 

Onun sözlərinə görə, iqtidar 23 ildə ən böyük reaksiyanı həmin şəxslərdən görüb: "Beşinci kolon fəaliyyətinin bu qədər geniş yayılmasının səbəblərindən biri də öz maraqlarını üstün tutan köksüz insanların çox olmasıdır. Dimdik ayaq üstdə qaldıq, amma xaos planlayanları, FETÖ xəyanətinə piyada rolunu oynayanları, tanklarını alqışlayanları heç unutmadıq.

Başları çətinə düşəndə ​​ölkəmizə qarşı beynəlxalq müdaxiləyə çağıranları, hər fürsətdə dini-ictimai fərqlərə görə milləti bir-birinə qarşı qoymağa çalışanları, qanunsuz yollarla bizi məğlub etməyə çalışanları, ölkəni və milləti atəşə atacaq qədər çarəsiz qalanları unutmuruq, unutmayacağıq. Millətimiz lazım olanda cavab verməsi üçün onları bir-bir yaddaşına yazdırıb. Milli iradəyə qarşı edilən xəyanətlər bir-bir qanun qarşısında cavablandırılıb. Bundan sonra Türkiyə iqtisadiyyatına və millətin rifahına qarşı edilən hər cür təxribatlar məhkəmə qarşısında cavab verəcək. Millət qardaşlığını pusquya salanlar axırda ədalət qarşısında cavab verəcəklər. Bu, kor-koranə düşmənçilik deyil, milli iradənin tələbidir.

Bölgəmizdəki qoyun qiyafəsində olan kaftarları, riyakarları çox yaxşı tanıyırıq. 

Biz mütləq ilkin yolumuzdan kənara çıxmayacağıq. Ölkəmizə töhfə verəcək daha çox işlərimiz, xidmətlərimiz var. Bunları həyata keçirmək üçün əvvəlcə Allaha, sonra isə millətimizin bizə verəcəyi güclü dəstəyə güvənirik".