Hər şey dəyişdiyi kimi, indi  meyvələrin də tamı, dadı, başqa sözlə geni dəyişdirilib.

Yəni almanı, gilası, alçanı, şaftalını, pomidoru, xiyarı yeyirsən həmin məhsulları tamını vermir.Qəribəsi odur ki, illər keçdikcə meyvələr və bostan tərəvəz məhsulları  öz dadını itirməkdədir. Ən azından ona görə ki, bu proseslər çox sürətlə davam edir.

Yerli məhsulların( toxum və şitillərn) inkişafına isə heç bir təşəbbüs göstərilmir, əksinə  kimlərsə, yerli məhsulun məhv olmasında daha maraqlıdır. Bəs bununla kim və hansı qurum məşğul olmalıdır ki, insanlar  dədə- babadan yediyimiz  məhsulları  ala  bilsinlər.

Görünən odur ki, belə getsə , beş- on ildən sonra bütün yerli məhsullar məhv olub gedəcək! Çox təəssüf ki, bu barədə adiyyatı dövlət qurumları çıxış yolu tapmalıdır və o yol hələ də  tapılmır ki, tapılmır. Bəs onda nə vaxt tapılacaq? Bax bu sualın cavabını təbii ki, həmin  qurumlar  söyləyə bilər!

Emil Faiqoğlu