"Rusiya prezidenti Vladimir Putin mətbuat konfransında Azərbaycanı rusdilli ölkə adlandırdı. Bu, Kreml təbliğatçılarına bir növ təlimat idi ki, Azərbaycana qarşı növbəti təxribat ssenariləri həyata keçirilsin. Azərbaycan Türk və müsəlman ölkəsidir". 

Adalet.az xəbər verir ki, bunu politoloq Məhəmməd Əsədullazadə deyib. 

"Ruslarla Azərbaycanlılar arasında dil, etnik, din və mədəniyyət kəskin fərqlidir. Keçmiş SSRİ vaxtında rus dilinin öyrənilməsi məcbur olub. Ümumiyyətlə, Azərbaycan xalqı ilə Rus xalqı arasında qonşuluq əlaqələri yoxdur. Çünki, iki xalq və ölkə arasında Şimali Qafqaz və orada yaşayan müsəlmanlar var. 

Azərbaycanda rus dili kütləvi deyil. Rus dili Bakıda çox az sayda işlədilir. Azərbaycanın regionlarında  rus dili işlədilmir və bu dildə oxuyanlar yoxdur. Azərbaycan xalqının mədəniyyəti, dəyərləri, tarixi və dili rus xalqından qat-qat qədimdir. Həmçinin zəngindir. Vladimir Putin Azərbaycan prezidenti cənab İlham Əliyevdən üzr istəməsinə baxmayaraq yenə də öz ampulasındadır", - deyə politoloq bildirib. 

Vasif ƏLİHÜSEYN