Bu gün  ölkəmizdə sahibkarlığın müxtəlif növləri  mövcuddur! İri sahibkarlıq sürətlə inkişaf etdiyi halda, xırda və orta sahibkarlığın inkişafına  bəzi vəzifəli şəxslər  onlara " badalaq" atırlar.

Təbii ki, bu da istər-istəməz belə sahibkarlığın inkişafına maneçilik törədir. Heç kimə sirr deyil ki ,  onların imkanları elə də, yaxşı deyil!   Bir balaca, özlərini dircələldən kimi o dəqiqə müxtəlif yoxlama  orqanları  onların başının üstünü alırlar! Yoxlamanın beşi gedir, on beşi gəlir.

Yeni belə sahibkarların əlində- ovcunda olanları müxtəlif yollarla qoparmaq istəyirlər. Mənim bir bərbər tanışım var .Deyir ki, qardaş, başım aşağı salıb, çörəyimi qazanıram. Amma bir də görürsən ki, heç bizə aid olmayan bir qurumdan biri gəlib,  qanımızı qaraldır və rahat işləməyə imkan vermirlər!

Aydındır ki, rayonlarda  icra hakimiyyətinin başçıları ilk növbədə xırda və orta sahibkarlığın inkişafında maraqlı olmalı , onlara şərait yaratmalıdır! Əgər bu mühit yaradılsa, ölkəmizdə xırda və orta sahibkarlıq inkişaf edər, bu işlə məşğul olanlar rahat nəfəs alarlar!

Emil Faiqoğlu