Bu gün bir çox yük maşınları normadan artıq yük aparır. Bu isə avtomobil yollarında müyyən problemlər yaratmaqla yanaşı, həm də qəza vəziyyəti yaradır.

Təəssüflə qeyd etməliyik ki, yol polisinin apardığı maarifləndirmə işlərinə baxmayaraq, yenə bir çox sürücülərə  yük maşınlarına  normadan artıq yük yığdırırlar. Əlbəttə dediyimiz kimi yol polisi davamlı olaraq  bu sahədə  profilaktik tədbirlər həyata keçirır, onlarla söhbətlər edilir və lazım gələndə qanununu pozan və normadan artıq yük daşıyan sürücülər inzibati məsuliyyətə cəlb olunurlar.

Bir neçə gün bundan əvvəl respublikanın avtomobil yollarında yük maşının aşması nəticəsində mişar daşları yola səpələnib. Digər bir yük maşınından isə taxtalar yola aşıb. Xoşbəxtlikdən ölüm və xəsarətalma hadisəsi baş verməyib. Operativ olaraq Baş Dövlət Yol Polisi İdarəsinin əməkdaşları qabaqlayıcı tədbirlər görülüb və avtomobil yolunda  yaranmıs mövcud problemlər  qısa zaman kəsiyində aradan qaldırılıb. Və bir müddətdən sonra yolda nəqliyyat vasitələrinin hərəkəti tam bərpa edilib.

Baş Dövlət Yol Polisi İdarəsinin ictimaiyyətlə əlaqələr şöbəsinin əməkdaşı , polis baş  leytenantı Elvin Hacıyev deyir ki, biz mütəmadi olaraq  yük daşıyan sürücüləri maarifləndiritik ki, onlar normadan artıq  yük daşımasınlar və sürət həddinə əməl etsinlər,bir sözlə, qanunu pozmasnlar. Amma əfsuslar olsun ki, aparılan təbliğat və izahat işlərinə baxmayaraq, yenə normadan artıq yük aparan sürücülərə rast gəlirik.

Bir daha onlara müraciət edərək deyirik  ki, respublikanın avtomobil yollarında yük daşıyarkən  mövcud qanuna əməl etsinlər və normadan artıq yük daşımasınlar. Qanunun pozulması isə birmənalı olaraq avtomobil yolunda qəzaların baş verməsinə  səbəb olur və digər nəqliyyat vasitələri üçün  təhlükə yaradır!!!

Emil Faiqoğlu