Günəşli camaatı uzun müddət sizin marşrut sarıdan bəxtiniz gətirməyib.Həmin istiqamətdə hərəkət edən 104, 36, 50 saylı marşrutda işləyən avtobuslar köhnə olub, istismar müddətini başa çatdırıb.

Ona görə də, o avtobuslar tez-tez sıradan çıxaraq yarıyolda qalıblar. Sənişinlər yayda istidən, qışda soyuqdan əziyyət çəkiblər.Biz dəfələrlə bu marşrutlar barədə tənqidi yazılar vermişk. Və nə yaxşı ki, sənişinlərin və bizim səsimizi eşitdilər.

Artıq dörd aydır ki, 104 nömrəli marşrutda işləyən  avtobuslar yenilənib və xəttə müsir tələblərə , standartlara cavab verən avtobuslar buraxılıb.Yeni Günəşli camaatının gözləri aydın! Belə ki, üç- dörd gündür ki, 36 nömrəli marşrutda işləyən avtobuslar da , yeniləri ilə əvəz edilib.

Bu isə insanlar rahatlıq gətirib. İndi qalıb bircə, 50 nömrəli marşrutda işləyən avtobuslar! 104-ün və 36 nömrəli marşrutun sağ əli 50 nömrəli marşruta olsun! Və tezliklə bu marşrutdakı avtobuslar da yenilənsə, Günəşli camaatı daha çox sevinər!!!

Emil Faiqoğlu