“Od, yel və su alternativ enerji mənbəyidir. Yəni onlar sadəcə təbiət hadisəsi yox, iqtisadi resursdur. Torpaq isə zəngin mineral ehtiyatları, aqrar potensialı və məkan funksiyası ilə ən fundamental resurslardan biridir”. 

Adalet.az xəbər verir ki, bunu iqtisadçı Eldəniz Əmirov deyib.

“Hətta məhsuldar və zəngin olmayan torpaqlar belə bütün enerjilərin üzərində qurulduğu baza rolunu oynayır. O, istehsalın, infrastrukturun və yaradılan dəyərin yerləşdiyi əsas platformadır.Başqa sözlə, əsrlər əvvəl simvol kimi qəbul etdiyimiz ünsürlər, bu gün iqtisadiyyatın ən strateji istiqamətlərindən biridir.Bu gün isə ilaxır çərşənbəsidir.Hər kəsə ruzi-bərəkətli, işıqlı və uğurlu bir il arzulayıram. İlaxır çərşənbəniz mübarək”, - deyə o, bildirib. 

Vasif ƏLİHÜSEYN