Yeni Günəşli Bakının böyük yaşayış sahələrindəndir.Yəni bu qəsəbədə 200 mindən çox insan yaşayır! Çox təəssüf ki, bu yaşayış sahəsinə uzun müddət soyuq münasibət göstərilib və bu gün də həmin münasibət davam edir! Məsələn, burada  normal bir park yoxdur.

Hər yerdə " Asan xidmət" olduğu yerdə burada adını çəkdiyimiz xidmət sahəsi  yoxdur! Ən təəccüblüsü isə odur ki, bu böyük qəsəbəyə  metro çəkilməyib. Hələ ötən əsrin 90- çı illərində deyilirdi ki, Yeni Günəşliyə.metro çəkiləcək.Bu məqsədlə  metro stansiyasının tikintisi üçün Kərpic zavodunun yaxınlığında yer də ayırmışdılar. İllər keçdi, hər şey yaddan çıxdı.

Çox yerə metro çəkilsə də , Yeni Günəşliyə.metro çəkilmədi. İndi də deyirlər ki, bəs , 2030-cu ildə Yeni Günəşliyə metro çəkiləcək. Neynək, bunu da gözələyərik! Biz metronun  açılışını görməsək də, heç olmasa, balalarımız, nəvələrimiz görsün!!!

Emil FAİQOĞLU