Yolumuz da birdi,izimiz də bir,

Hər an söhbətimiz,sözümüz də bir.

Bizləri isidən közümüz də bir,

Ziynətlə,Məryəmdi dostlarım mənim.

******

Hər zaman şirindi qardaş balası,

Hər an ürəyimdə,qəlbdə qalası.

Şirin yuxu olub gözə dolası,

Ziynətlə,Məryəmdi dostlarım mənim.

******

Hara gediriksə,birgə gedirik,

Hər an şirin-şirin söhbət edirik.

Biri-birimizə hər an çətirik,

Ziynətlə,Məryəmdi dostlarım mənim.

******

Heç zaman inciyib,heç vaxt küsməzlər,

Dar gündə dostundan əlin üzməzlər.

Acı sözləriylə dostu əzməzlər,

Ziynətlə,Məryəmdi dostlarım mənim.

******

Onlar çox ağıllı,çox kamallıdı,

Söhbəti şirindi,sözü ballıdı.

Hər an xoş fikirli,xoş xəyallıdı,

Ziynətlə,Məryəmdi dostlarım mənim.

******

Şeirin müəllifi:Dünya Qarabağlı-Azərbaycan Texniki Universitetinin Beynəlxalq Biznesin İdarə edilməsi ixtisasının magistratura tələbəsi.