Xəbər verdiyimiz  kimi, Azərbaycan Respublikasının  Kino Agentliyinə (ARKA) 2026-cı il üçün vəsait ayrılmayıb. Bu da mədəniyyət ictimaiyyətində narazılığa səbəb olub. 

Məsələ ilə bağlı Adalet.az-a açıqlama verən  Kinematoqrafçılar İttifaqının sədri,  Xalq artisti  Rasim Balayev  maliyyəsiz iş görməyin çox çətin olduğunu söyləyib:

“Pul ayrılmayıb, daha doğrusu belə uyğun görüblər. Bəs pul olmasa,  nə edə bilərik? Pul olmalıdır ki, kino çəkilsin. 2025-ci il üçün ayrılmış vəsaitin  qalan hissəsi, əlbəttə,  kino üçün yetərli olmayacaq. Kinonun çətin vaxtında bir də pul ayrılmaması heç yaxşı hal deyil. Bu nə deməkdir?! Bu addımın adı yoxdur! Bizim ən böyük problemimiz maliyyə problemidir. Bizim agentliyin adının siyahıda olmaması çox pisdir. Kino agentliyinə  maliyyə vəsaitinin ayrılmaması bu sahədə ciddi problemlər yaradacaq”.

Əntiqə Kərimzadə