İllik ötürmə qabiliyyəti 15 milyon tona qədər olan Zəngəzur dəhlizinin tikintisi fəal şəkildə aparılır.

Adalet.az  APA-ya istinadən xəbər verir ki, bunu MDB-ə üzv dövlətlərinin dəmir yolu nəqliyyatı şurasının 83-cü iclasında rəqəmsal inkişaf və nəqliyyat naziri Rəşad Nəbiyev deyib.

O qeyd edib ki, Ermənistanla sərhəddə yerləşən Ağbənd ərazisinə gedən dəmir yolu xəttinin sahəsi 2026-cı ildə başa çatdırılacaq:

“Paralel olaraq Azərbaycan Naxçıvandan keçən təxminən 200 kilometrlik dəmir yolu sahəsinin tikintisi üzərində işləyir. Hazırda bu magistralın layihələndirilməsi başa çatdırılır və yaxın zamanda tikinti işlərinə başlanılacaq. Bir neçə gün ərzində “Azərbaycan Dəmir Yolları” QSC bu layihənin icrasına start verəcək”.