“Ukrayna Anti -korrupsiya Bürosu (NABU və SAPO) prezident administrasiyasının rəhbəri A.Yermakın evində axtarış aparıb. Qeyd edim ki, ABŞ-nin nəzarətində olan Ukrayna siyasi rəhbərliyinə tabe olmayan Anti-korrupsiya Bürosunun A.Yermakı hədəfə alması təsadüfi deyil”. 

Adalet.az xəbər verir ki, bunu politoloq Məhəmməd Əsədullazadə deyib. 

Onun sözlərinə görə, A.Yermak D.Trampın 28 maddəlik "sülh planına" qarşıdır:

“Üçtərəfli Cenevrə danışıqlarına A.Yermak rəhbərlik edir. Ukraynada kifayət qədər güclü fiqurdu və prezident V.Zelenskinin yaxın müttəfiqidir. Onun hədəfə gətirilməsi, V.Zelenskiyə ciddi təzyiqlər etmək və D.Trampın təkliflərini qəbul edilməsinə hesablanıb. Ukraynada korrupsiya var. Hazırda bu siyasi təzyiqə çevirmək və Rusiyanın planın qəbul etdirilməsinə hesablanıb. Baş vərənlər V.Zelenskinin siyasi hakimiyyətini laxlatmaq və istefaya göndərmək planı dayanır. Amma Avropa İttifaqı V.Zelenskiyə ciddi siyasi dəstək verəcək. Ona qarşı ABŞ tərəfindən artan təzyiqlərindən qorumağa çalışacaq. D.Trampın xüsusi nümayəndəsi S.Uitkof Rusiyanın lobbiçiliyini edirsə, Kiyevdə NABU Ağ Ev tərəfindən təlimatla hərəkət etməsi istisna deyil”.

Vasif ƏLİHÜSEYN