Finlandiya hökuməti “aqressiv müharibə” aparan və ya milli təhlükəsizliyə təhdid yaradan ölkələrdə vətəndaşlığı olan əcnəbilərin Finlandiyada daşınmaz əmlak almasını qadağan edən qanun layihəsini baxılmaq üçün təqdim edib.

Adalet.az "Bloomberg"ə istinadən xəbər verir ki, təşəbbüsün məqsədi Rusiya vətəndaşlarının ölkədə daşınmaz əmlak almaq imkanlarını məhdudlaşdırmaqdır.

Bu barədə Finlandiyanın müdafiə naziri Antti Hakkanen bildirib.O qeyd edib ki, Rusiya Avropada təhlükəsizliyə təhdid yaratmaqda davam edir və rusların əldə etdiyi daşınmaz əmlak “düşmən təsirini göstərmək” üçün istifadə edilə bilər.