“Son 14 ayda İran'da iki dəfə baş qərargah rəisləri öldürülüb. General leytenant Məhəmməd Baqeri keçən ilin iyun ayında, onun xələfi general-leytenant Əbdülrəhim Musəvi isə bu ilin fevralında İsrail və ABŞ hücumları zamanı öldürülüb”. 

Adalet.az xəbər verir ki, bunu hərbi ekspert Ədalət Verdiyev deyib.

“İndi isə İran Silahlı Qüvvələrinin Baş Qərargah rəisi vəzifəsinə SEPAH generalı Əli Əbdüllahi təyin edilib.Əgər Əbdüllahi də sələfləri kimi özünü qoruya bilməsə, onu digər SEPAH generalı Kayumərs Heydari əvəz edəcək. İranda baş qərargah rəisi kifayət qədər təhlükəli vəzifəyə çevrilib. Özünü, ətrafını, ölkə rəhbərliyini və ölkənin əsas hərbi beyin mərkəzi olan baş qərargahını qoruya bilməyənlər, 93 milyon əhalinin və onun yaşadığı böyük bir ərazini necə qoruya bilər?”,- deyə o, bildirib.

Vasif ƏLİHÜSEYN