Bəzi istehsalçılar regionlarda maya dəyərindən aşağı, mənşəyi məlum olmayan araq (vodka) məhsulları satışa çıxarırlar.

Adalet.az xəbər verir ki, bu barədə “Azad İstehlakçılar”İctimayi Birliyi (AİİB) tərəfindən verilən açıqlamada deyilir.

Təşkilat qeyd edir ki, 2026-cı ildən 1 litrlik araq üçün vergi yükü orta hesabla 6,20–6,50 manat təşkil edir və istehsalçıların minimum satış qiyməti təxminən 14 manat olmalıdırsa, bu hesablamalara məhəl qoymayan bəzi istehsalla məşğul olanlar tərəfindən regionlarda 6,0-7,50 manat qiymətlərlə 1 litrlik qablaşdırılmış araq təklif olunur.

AİİB İstehlakçılardan daxil olan məlumatlara , araşdırmalara əsasən bildiriri ki, istehsalçılar üçün minimum satış qiyməti tətbiq olunmadığından bəzi istehsalla məşğul olanlar tərəfindən yenə də ticarət şəbəkələrinə  ,şadlıq evlərinə, ictimayi-iaşə obyektlərinə hətta maya dəyərindən də aşağı qiymətlərlə keyfiyyətsiz  araq (vodka) məhsulları təklif olunur.