Vəkil Şəfiqə Nağıyeva canlı efirdə üzünə su atan jurnalist Anar Vəziroğlunu məhkəməyə verməyəcəyini açıqlayıb.

Adalet.az-ın məlumatına görə, bu barədə o, “Ümid ilə gəl” verilişində qonaq olarkən danışıb. Nağıyeva deyib ki, güclü kişilərlə mübarizə aparmaq istəyir:

“Anar həmişə müsahibə verəndə deyir ki, Şəfiqə bir verilişdən çıxıb, digərinə gedir. Deyir, ərdə qalmayan arvadlar kimi. Çünki, o insan ağzından çıxanı bilmir. Mən bu gün deyirəm, Anar, qulaqlarını aç, yaxşı eşit. Hansı veriliş yaxşıdırsa, ora gedirəm. Məni çıxarmırlar, mən özüm çıxıram. Bu gün mən qalibəm. O, mənə qarşı təhqir sayılacaq bir addım atdı. Amma bunu təhqir kimi başa düşmürəm, o, aciz bir adamdır”.

Şəfiqə Nağıyeva qeyd edib ki,zəif insanlarla mübarizə aparmaq istəmir:

“Demək istəyirəm, xalqın mənafeyini özümünkündən üstün tuturam. Mən üç uşağın babada qalıb, yaxşı yaşaması üçün əlimdən gələni etdim. Mən qalib çıxdım. İnsan məğlub olanda da kişi kimi başını aşağı salıb məğlub olmalıdır. Mən orada iki adamı məhkəməyə verəcəm, biri Ceyhunə, digəri vəkil. İstədim Anarı da məhkəməyə verim, onsuz da Allah onu məhkəməyə verib də. Ancaq güclü kişilərlə mübarizə aparmaq istəyirəm”.

Əntiqə Kərimzadə