Son illər iqtidar öz qapılarını siyasi partiyaların üzünə açıb. Siyasi partiya liderləri, nümayəndələri ilə tez-tez görüşlər keçirilir, müzakirələr aparılır. Bu müzakirələrdə qaldırılan məsələlərə həssaslıqla yanaşılır. Partiyalar üçün hər cür şərait yaradılıb, ofislərlə təmin olunublar, mebellərlə təmin olunublar. Partiyalar da fəallıqlarını artırıblar.

Parlamentdə «Siyasi partiyalar haqqında qanun» birinci oxunuşda geniş müzakirə olundu. Milli Məclisdə təmsil olunan 11 partiyanın nümayəndələri qanun haqqında müzakirələrdə fəal iştirak elədilər. Ondan başqa qanun uzun müddətdir ki, ictimaiyyətin müzakirəsinə verilmişdi.

İndi birinci oxunuşda qaldırılan məsələlərə də yəqin ki, baxılacaq. Hələ qarşıda ikinci və üçüncü oxunuşlar var.