Sumqayıtda zavodun 53 əməkdaşı qidadan zəhərləndi - Cinayət işi başlandı

İyulun 10-da Sumqayıt şəhərində yerləşən zavodlardan birində çalışan işçilərin qida zəhərlənməsindən şəhər xəstəxanasına müraciət etməsi barədə rayon prokurorluğuna məlumat daxil olub.
Sumqayıt şəhər prokurorluğundan Adalet.az-a bildirilib ki, ilkin araşdırma zamanı müəssisənin 53 nəfər əməkdaşının nahar vaxtı zavodun yeməkxanasında qəbul etdikləri qidalardan zəhərlənməsi məyyən edilib.
Zəhərlənmənin səbəbinin müəyyənləşdirilməsi məqsədilə Azərbaycan Respublikasının Qida Təhlükəsizliyi Agentliyi əməkdaşlarının iştirakı ilə yeməkxanada olan qidalardan nümunələr götürülərək müvafiq ekspertizalar təyin edilib və digər zəruri prosessual hərəkətlər icra olunub.
Zəhərlənən şəxslərə stasionar tibbi yardım göstərildikdən sonra onlar evə buraxılıb. Hazırda vəziyyətləri normaldır.
Faktla bağlı Sumqayıt şəhər prokurorluğunda Cinayət Məcəlləsinin 314.1-ci (səhlənkarlıq) maddəsi ilə cinayət işi başlanaraq istintaq aparılır.
Digər Xəbərlər

Məhkəmə Qabil Məmmədova qiyabi 16 il həbs cəzası verdi

Hakim olmaq istəyənlərin NƏZƏRİNƏ!

Fikrət Cəfərli həbs edildi

Xaricdə yaşayan İmaməddin Əlimanovla bağlı hökm elan olunub

Məhkəmələrdə işləmək istəyənlərin NƏZƏRİNƏ!

Baş Prokuror bu idarəyə yeni rəis təyin etdi

Kamran Əliyevdən qəzaya uğrayan AZAL təyyarəsi ilə bağlı AÇIQLAMA
