Ölkəmizdə saxta diplomla işləyən çoxlu sayda  vəzifəli şəxslər var.

Ümumtəhsil məktəblərində diaqnostik qiymətləndirmə  keçirilərkən  saxta diplomla fəaliyyət göstərən  yüzlərlə  müəllim  aşkarlandı. Onların əksəriyyəti  təhsil sahəsindən uzaqlaşdırılsa da, bu gün də saxta diplom işləyən müəllimlər var.

Sadəcə olaraq onların arxası olduğuna görə, məktəb direktorları və Regional Təhsil İdarələrin  rəhbərləri onların fəaliyyətinə göz yumurlar. Və bir də saxta diplomla işləyən təkcə müəllimlər deyil ki. Elə çoxlarının gözü müəllimləri görüb. Bu gün  hansı ixtisas sahibini tərpətsən orada saxta diplomlu kadrlar üzə çıxar.

Səhiyyə, mədəniyyət, iqtisadiyyat, hüqüq- mühafizə orqanlarında  çalışanların diplomları yoxlanılsa, çox nöqsanlar üzə çıxar. Və bu gün səhiyyənin müxtəlif sahələrində işləyən həkimlərin diplomlarının yoxlanılmasına böyük ehtiyac var. Hərə bir kurs açıb və dörd - beş ay təhsil verir, sonra da kursu bitirənlər bağlı ya diplom, ya sertifikat verir. Ki, bu adam tibb işçisidir. Onları da dövlər və özəl xəstəxanalar işə götürür. Heç adi ixtisas dəyişmə də düzgün aparılmır.

Belə ki, terpevt altı ay kurs keçir, kardioloq olur.  Belə kardioloqlar da pasiyentlərin başına oyun açır. Hansı ixtisasda yaxşı pul qazanmaq olursa, ikinci ixtisas kimi çoxları o yolu seçir. Və nəticədə xoşagəlməz bir vəziyyət yaranır! Bir sözlə, təhsil işçiləri kimi, digər peşə  və sənət  sahiblərinin diplomları  yoxlanılmalıdır. Ki, görək, onların diplomları saxtadır, yoxsa, qanuni!!!

Emil Faiqoğlu