Bu gün Bakıda  həyət evi tikmək, daşı - daş üstə qoymaq çox çətin işdir.

Əvvəl- əvvəl  bir iş görən kimi, yəni ev inşa edəndə o dəqiqə aid oldu, olmadı müxtəlif qurumların nümayəndələri tökülüşüb gəlir ki, bəs ev tikirsən,  bizim "şirinliyimizi" ver? Və sən də  onların dedikləri o" şirinliyi"  verirsən. Bundan sonra hamısı çıxıb gedir və oturur yerində. Elə ki, ev tikilib başa çatdı və yenidən  gəlib deyirlər ki, bu evi qanunsuz tikmisən, əgər lazımi sənəd yoxdursa, evi uçuracağıq.  

O" lazımı sənədi" almaq üçün İcra Hakimiyyətinə bir ətək pul verməlisən. Pulu verdin "lazımı sənədi" düzəldib sənə verirlər. Amma pul onlara çatmasa, evdə köçüb yaşasan da, onu başına uçuracaqlar!  Tay baxmayacaqlar ki,  sənin bu vətən yolunda nə xidmətin, əziyyətin var! Bir gün də gəlib görəcəksən ki, yaşadığın evi bulduzerin qabağına verib ucurublar.  

Qarğış eləməkdən və dizini yerə qoyub hönkür- hönkür  ağlamaqdan  başqa əlindən bir iş gəlməyəcək. Yazdığımız bu hadisə nağıl deyil, günümüzün reallığıdır!

Emil Faiqoğlu